الحب مش كلمتين حلوين من سى السيد الحب فعل واهتمام وان الانسان اللى معاكى محسسك
بالامان.
الحب مش مسكه ايد وشهوه الحب حنيه ووقفة حبيبك جمبك وقت التعب .
الراجل اللى بتحبيه هتعرفيه من اول نظره اول كلمه هتقوليها هو دا اللى عايزه اكمل
معاه هو دا ابويا واخويا وحبيبى.
وعشان اساعدك هقولك على كام حاجه هتفيدك فى كميا الحب :
بصى يا ست البنات الحب عمره ما كان بالقلب والعواطف ابسلوتلى الحب الحقيقى بالعقل .
هبسطهالك انا بحب واحد جداااا وكل لما بنتقابل بتكلم برقه ولما يضايقنى اقوم اعيط بزمتك
بعد الجواز هتبقى كدا دا مش بعيد لو ضايقك تحدفيه بغطا الحله .
لو ناويه فعلا تكملى مع الشخص اللى بتحبيه يبقى لازم تبقى على طبيعتك معاه بس
مش اوى يعنى(:
وكمان اهم حاجه فى الحب الصراحه , يعنى تقوليله عيوبك وهو كمان يقل عيوبه وانتو
الاتنين ليكم الحريه تقولو اذا كنتو هتقدروا تستحملوا عيوب بعض ولا لا .
اهم حاجه فى الحب الثقه بالنفس مش معنى انك بتحبيه يبقى يبقى تسمحيله يقلل منك
خليكى دايما واثقه انك جميله وقويه.
بلاااااش تطلبى الاهتمام وبلاااش تقوليله عايزه ورد ياابراهيم عشان هيجيبه مره والمره التانيه مش هيعبرك
يايسريه هو لو بيحبك هيجيب ويهتم بمزاجه مش بالغصب يايسريه .
الاهم من كل اللى فات دا هو انكم تبقوا فى النور متبقوش بتتتقابلوا من وا
اهلكم ولا بتتكلموا وانتو خايفين يوم ما يبقى جوزك تقدرى ساعتها بس تقوليله بحبك اوى
.
بحبك اوى
كيميا الحب
الحب الكبير
