لازم يكون راضى , كيف ارضي زوجي
كلنا عارفين ان رضا الزوج من رضا الرب و طبعا هنا المقصود
مش اى زوج لا الزوج المحترم المهذب الذى يعامل مراته
احسن معاملة يعنى ميكونش الزوج بيضرب مراته و بيعاملها
معاملة سيئة و بيغلط فيها و بيشتمها و بيجرحها و يجى
يقول مهو انا لو رضيت عنك ربنا هيرضى عنك لا طبعا مش هو
ده الزوج االى المقصود خالص طيب احنا هنتكلم هنا عن الزوج
الطيب المحترم انتى كزوجة ازاى ترضيه فالرجل الطيب
و المحترم ارضاءه سهل جدا اول حاجة عامليه معاملة حسنة
بالادب و بالحسنى لا تحرجيه امام الغرباء و متتعاركيش معاه
قدام اولاده دايما قولى عنه كلام كويس امام اهله و اهلك
دايما اتكلمى معاه و حاوريه و خدى و ادى معاه فى الكلام
خلى بيته دايما نضيف و ملابسه نظيفة و مهندمة لا تثقلى
عليه بالطلبات الكبيرة التى من الممكن لا يقدر عليها
