اسم الاغنيه ياما زاب ثروث غنتها زاب ثروث
بنت جميلة
أحلامها بسيطه
كان نفسها تدوم
طفولتها السعيدة
لكن الموت قرر يفوت
عليها الليلة
وأقول ياريت لو كنت انا اللي رحت قبليكي
الزعل عمره ما قل
اللي مات مات راح و ارتاح خلاص من التعب و الذل
الألم مكانة حل
اللي عاش شاف الخوف من الموت يحلف ان عمره ما يكل
إنى اكون و سط اللي نجيوا
لما نجوا الروح بأيدهم
عايزه اطيب جرح اهلي
نفسى اقدم شيء يفيدهم
مش هسيب الغدر يخطف
حد تأنى من حبايبي
بالطو ابيض للملائكة
الملائكه اخدوا قلبي
نفسى لو بأيدى اقدم الف ايد و أيد تساعد
ياما قالوا ليا لا الف لا و ألف و احد
هنزل على المدينه عارفه هلاقى بها اية
الإجابة لكل حاجة كنت يوم عايزه التقيها
هصبر على المتاعب عارفه مهما اباعد
راجعة اكيد في يوم للأرض اللي اتولدت فيها
راجعة اكيد للأرض اللي اتولدت فيها
ياما اشتاقنا ليكم من بعد البعاد
لازم هكمل انا و الحق عمرى اللي فات
الأيام عمالة تجري
بس قلبى مش مفارق الماضى اللي راح و فات
مهما العقل كان بيشغي
بالأفكار و بالكلام
لسة بالى بيطاردنى بالصور و الذكريات
مش عايزه اشوف قبوركم
نفسى اشوف بيوتكم
عايزه اشوفكوا بشعر ابيض
مش بأبيض جوا تابوتكم
مش هتفرق كرموني
أو اتغاضوا لمره عني
بعمل دة عشانكم انتم
مش عشان حد يجاملني
سلام علي كل روح فارقت حياتنا بمرض
فى حزن جوا قلبى بس عمرى ما قلبى اعترض
يا ناس ما تكسروش ضهرى لو يوم انحنى
حتي لو حصل انا عندى ربى سندي انا
طول عمرى فيا دافع انى ادافع عن طموحي
مش فارقة كتير معايا و لا معايا بس روحي
مايهمنيش انا اي حد الا الغاليين عليا
كلمه منهم قادره تبنى اللي هدتة الدنيا فيا
ياما اشتاقنا ليكم من بعد البعاد
لازم هكمل انا و الحق عمرى اللي فات
ياما اشتاقنا ليكم من بعد البعاد
لازم هكمل انا و الحق عمرى اللي فات .
كلمه اغاني زاب ثروت
